الأسئلة الشائعة

دليل سريع للإجابات عن كل استفساراتك جاوبنا على كل شيء يخطر في بالك

ما هي منصة فلونسي ؟
  • فلونسي هي منصة سعودية مبتكرة تساعدك على ممارسة اللغة الإنجليزية بكل سهولة، مع معلمين ومعلمات محترفين من مختلف أنحاء العالم.
  • تقدر تطور لغتك من خلال جلسات مباشرة تركّز على مجالات مختلفة مثل العمل، الدراسة، أو حتى السفر!
  • والأجمل؟ تقدر تتعلم وين ما كنت عن طريق تطبيق فلونسي المتوفر على الجوال.
كيف أبدأ مع فلونسي؟
  • بداية مشوارك مع فلونسي سهلة! كل اللي عليك تعبي نموذج التسجيل، وبعدها نعطيك جلسة مجانية نقيّم فيها مستواك ونتعرف على أهدافك. بعدها نساعدك تختار المعلم المناسب، وتقدر تبدأ تتعلم مباشرة من خلال المنصة أو التطبيق.
  • وإذا حاب تعرف كيف تسجل بالتفصيل، تقدر تزور صفحة التسجيل بالخطوات وتتابعها بكل سهولة.
وش الباقات المتوفرة؟
  • نوفر لك باقات متنوعة تناسب احتياجك وجدولك—سواء كنت تبغى تطوّر لغتك بشكل مكثف أو على راحتك.
  • تقدر تطلع على كل الباقات وتختار الأنسب لك بكل سهولة من خلال زيارة صفحة الباقات.
متى تتفعّل الباقة؟ وهل في وقت محدد أقدر أستخدمها فيه؟
  • باقتك تتفعّل مباشرة بعد الدفع، وتبدأ تستخدمها فورًا!
  • تتجدد الباقة تلقائيًا كل يوم اثنين، لكن انتبه: الدقائق ما تنتقل للأسبوع اللي بعده، فاحرص تستخدمها قبل موعد التجديد.
كيف أحضر جلساتي في فلونسي؟
  • لو حاب تحضر جلساتك من الجوال أو الآيباد، تقدر بكل سهولة تحمّل تطبيق فلونسي.
  • أما إذا تفضل تستخدم اللابتوب، فتقدر تحضر الجلسات مباشرة من خلال صفحة الويب بدون تحميل أي برنامج.
هل أقدر أغيّر أو أكنسل موعد الجلسة؟
  • تقدر تغيّر أو تلغي موعد الجلسة بكل سهولة، بشرط يكون قبل ساعة على الأقل من وقتها المحدد.
  • إذا بقي أقل من ساعة، ما راح تقدر تعدّل أو تلغي، وراح تُحسب الجلسة من رصيدك الأسبوعي.
هل فيه جدول ثابت أو أختار اللي يناسبني؟
  • الجدول عندنا مرن 100%!
  • تقدر تختار الأيام والأوقات اللي تناسبك أسبوعيًا، حسب وقتك واحتياجك أنت.
  • أنت تتحكم بجدولك بكل حرية.
هل فيه دروس خلال الويكند أو متأخرة بالليل؟
  • أكيد! تقدر تختار الوقت اللي يناسبك، سواء في الويكند أو حتى متأخر بالليل—كل هذا حسب توفر المعلمين.
  • جدول الحصص مرن، وانت تختار اللي يريحك.
كم المدة بين كل درس والثاني؟
  • المدة بين الدروس ترجع لك! تقدر تحجز جلساتك بشكل يومي أو بأيام متفرقة حسب الباقة اللي اشتركت فيها.
  • المهم إنك تحرص على استخدام كامل رصيدك الأسبوعي قبل يوم الاثنين، عشان ما يضيع عليك أي دقيقة من باقتك.
وش مؤهلات المعلمين؟
  • معلمينا مؤهلين أكاديميًا و يمتلكون شهادات معتمدة في تدريس اللغة الإنجليزية مثل CELTA و TESOL.
  • بعضهم نيتف سبيكر (Native Speakers)، والبعض الآخر محترفين من دول مختلفة، وكلهم مدربين على تقديم تجربة تعليمية ممتعة وفعّالة.
  • اختر المعلم اللي يناسب أسلوبك وابدأ تتعلم بثقة من خلال رابط المعلمين.
هل أقدر أختار معلم أو معلمة؟
  • أكيد! تقدر تختار إذا تبغى معلم أو معلمة، وتحدد كمان اللهجة اللي تفضلها (زي الأمريكية أو البريطانية)، وحتى أسلوب التفاعل اللي يناسبك.
  • التجربة مصممة على راحتك!
  • اختر المعلم اللي يناسب أسلوبك وابدأ تتعلم بثقة من خلال رابط المعلمين.
هل فيه معلمين يتكلمون عربي؟
  • نعم، بعض معلمينا يتحدثون العربية، وهذا مفيد جدًا للمبتدئين.
  • حتى المعلمين الأجانب مؤهلين أكاديميًا للتعامل مع الطلاب من مختلف المستويات، ويعرفون كيف يتواصلون بوضوح خلال الجلسات عشان تكون مرتاح وتستفيد.
  • مهما كان مستواك، راح تلقى الدعم اللي تحتاجه! اختر مُعلمك بكل ثقة من خلال رابط المعلمين.
كيف تكون الجلسة؟
  • الجلسة تفاعلية 100% وتتم عبر مكالمة فيديو مع المعلم.
  • راح تتدرّب على المحادثة، تستفيد من الشرح، تحل تمارين، وتاخذ ملاحظات فورية تساعدك تطوّر لغتك من أول جلسة!
  • اختر جلستك من خلال رابط صفحة المناهج الدراسية.
هل فيه واجبات أو تمارين؟
  • يعتمد وجود التمارين على نوع الجلسة، المهارة، ومستوى الطالب.
  • المعلم يقيّم تقدمك، وقد يطلب منك واجبات بسيطة يراجعها معك خلال نفس الجلسة أو الجلسة التالية.
  • وإذا احتجت تمارين إضافية خارج الجلسة، المعلم راح يزوّدك بها لدعم تطوّرك.
  • الواجبات مو إلزامية، لكنها مصممة لتناسب احتياجك وتساعدك تتقدم بشكل أسرع!
هل أقدر أتعلم شيء محدد مثل المحادثة فقط؟
  • أكيد! في فلونسي عندنا مسارات متنوعة حسب هدفك—زي المحادثة، الكتابة، المهارات المهنية، أو حتى التحضير لاختبارات دولية.
  • تقدر تختار المهارة اللي حاب تركز عليها، والمعلم يساعدك تتعمق فيها وتتطور بشكل فعّال.
  • اختر مُعلمك بكل ثقة من خلال رابط المعلمين.
هل أقدر أختار لهجة معينة؟
  • نعم! تقدر تختار اللهجة اللي تناسبك—سواء American أو British Accent—وعندنا معلمين ومعلمات محترفين بكل لهجة.
  • بس حدّد تفضيلك وقت الحجز، ونوفّر لك الخيار المناسب.
كيف أعرف مستواي؟
  • من خلال الجلسة المجانية الأولى، المعلم يقيّم مستواك في اللغة ويساعدك تختار المنهج أو المهارة اللي تناسبك.
  • هذي الجلسة مهمة عشان تبدأ تعلّمك من المكان الصح وبطريقة مناسبة لاحتياجك.
  • لا تشيل هم التقييم، إحنا نرشدك خطوة بخطوة!
هل فيه شهادات؟
  • نعم، تقدر تطلب إصدار شهادة معتمدة من المركز السعودي البريطاني عند إكمال 30 ساعة دراسية مع فلونسي.
  • الشهادة توثق اجتهادك وتقدمك في اللغة الإنجليزية، وتفيدك في المسار الأكاديمي أو المهني.
هل أقدر أتابع تطوري؟
  • أكيد! نوفر لك تقارير دورية توضح تقدمك في اللغة، وتسلّط الضوء على مستواك، ونقاط قوتك، والجوانب اللي تحتاج تركّز عليها.
  • بهذا الشكل، تقدر تتابع تطوّرك خطوة بخطوة وتحقق أهدافك بثقة.
هل البرنامج مناسب للأطفال؟
  • أكيد! عندنا برنامج مخصص للأطفال من عمر 6 سنوات، مصمّم بأسلوب ممتع وتفاعلي يخلّي التعلّم تجربة ممتعة وآمنة.
  • المعلمون مدرّبون على التعامل مع الأطفال، والمحتوى مناسب لأعمارهم واهتماماتهم.
  • اطلع على برنامج الأطفال بالتفصيل من خلال صفحة المتحدث الصغير
هل فيه خطط تعليم جماعية؟
  • حاليًا الجلسات فردية لضمان التركيز الكامل على احتياجك وتقدمك.
  • لكن نبشّرك… الجلسات الجماعية قريبًا تنطلق على المنصة، وراح تكون تجربة تفاعلية ممتعة مع طلاب آخرين من مختلف المستويات!
هل أقدر أتعلم من الجوال؟
  • أكيد! تم إطلاق تطبيق فلونسي، وتقدر تحضر دروسك بكل سهولة من الجوال أو التابلت، في أي وقت ومن أي مكان.
  • التجربة مرنة وسلسة، سواء كنت في البيت أو على الطريق.
وش المتطلبات التقنية؟
  • بكل بساطة، كل اللي تحتاجه هو:

    • اتصال إنترنت مستقر

    • كاميرا

    • سماعة (اختياري لكنها تساعدك تركز أكثر)

    • متصفح حديث مثل Google Chrome أو Safari

  • وبكذا تكون جاهز للجلسة بكل سهولة!
إذا واجهت مشكلة تقنية، مين يساعدني؟
  • فريق الدعم جاهز لمساعدتك في أي وقت!
  • تقدر تتواصل معنا بسهولة عبر:

    • الواتساب

    • البريد الإلكتروني

    • نموذج التواصل داخل المنصة.

  • نحرص نرد عليك بأسرع وقت ونحل المشكلة عشان تكمّل جلساتك بدون أي تأخير.
وش الباقات المتوفرة؟
  • نوفر باقات مرنة تناسب وقتك وميزانيتك:

    • شهرية: للبدايات والتجربة.

    • ربع سنوية: للتقدم بثبات.

    • سنوية: للاستفادة القصوى بسعر أوفر.

  • كل الباقات بأسعار مريحة وتقدر تطّلع على تفاصيلها من خلال صفحة الباقات. صفحة الباقات
هل فيه خصومات؟
  • أكيد! عندنا خصومات موسمية مستمرة، بالإضافة إلى عروض خاصة للطلاب والعوائل.
  • تابعنا أو تواصل مع فريق الدعم عشان تعرف أحدث العروض وتختار الأنسب لك.
  • ولا تنسى تشيك صفحة الموقع والتطبيق من وقت لثاني!
هل فيه اشتراك عائلي؟
  • نعم! خصم خاص للإخوة
  • كل اللي عليك تتواصل مع خدمة العملاء قبل الاشتراك، وبيعطونك كود الخصم بكل سهولة.
هل اقدر أجمد اشتراكي؟
  • أكيد! تقدر تجمّد اشتراكك وقت ما تحتاج، وترجع تكمل بأي وقت يناسبك – لأننا نفهم إن الحياة أحيانًا تأخذ وقتها.
هل فيه برنامج إنجليزي للأعمال؟
  • أكيد! عندنا مسار متخصص لتطوير لغتك في بيئة العمل – من المصطلحات المهنية، لكتابة الإيميلات، الاجتماعات، وحتى العروض التقديمية. حضّر نفسك تبرز في شغلك!
  • تقدر تطلع كل التفاصيل من خلال رابط جلسات محادثة الأعمال
هل تساعدوني في التحضير للمقابلات؟
  • أكيد! نوفر لك جلسات تدريبية خاصة تساعدك تحضّر بثقة للمقابلات الوظيفية، نشتغل سوا على تحسين إجاباتك، لغة جسدك، و حتى نجهزك للأسئلة الصعبة.
هل فيه تحضير لاختبارات الآيلتس والتوفل؟
  • أكيد! عندنا معلمين متخصصين في تحضير اختبارات الآيلتس، التوفل، الستيب وغيرها
  • نوفر لك خطة تدريب مكثفة تناسب مستواك وتجهزك للدرجة اللي تطمح لها!
هل أتعلم لهجة أمريكية أو بريطانية؟
  • نعم، تقدر تختار تتعلم اللهجة الأمريكية أو البريطانية حسب هدفك، وراح نركز على النطق الصحيح والمصطلحات المستخدمة في الحياة اليومية لكل لهجة!
هل أقدر أتعلم مصطلحات يومية للسفر أو الحياة؟
  • أكيد! عندنا مسارات تدريبية تركّز على مواقف الحياة الواقعية مثل: المطار، السوق، المطاعم، التاكسي، والسكن. علشان تتكلم بثقة وين ما رحت!
  • تقدر تطلع كل التفاصيل من خلال رابط محادثات الحياة اليومية
هل معلوماتي محفوظة؟
  • أكيد! خصوصيتك أولويتنا – بياناتك مؤمنة 100٪ ومستخدمة فقط لتحسين تجربتك التعليمية، ولا يتم مشاركتها مع أي جهة خارجية.
هل فلونسي منصة معتمدة؟
  • نعم، فلونسي مرخّصة رسميًا في المملكة العربية السعودية، ويستخدمها آلاف الطلاب حاليًا. تقييمات المستخدمين تثبت نجاحها، وقريبًا ننطلق على نطاق الخليج والعالم بإذن الله.
وش يميز فلونسي عن غيرها؟
  • فلونسي تعطيك تجربة مختلفة تمامًا عن أي منصة ثانية، لأنها تجمع بين:

    • تفاعل مباشر مع معلمين محترفين ومعتمدين أكاديميًا

    • باقات مرنة تناسب وقتك وميزانيتك

    • دعم عربي يساعدك بكل سهولة

    • تجربة تعليم شخصية 100٪ مصممة لك

    • إمكانية الدفع بالأقساط بدون تعقيد

  • مع فلونسي، تتعلم صح... و بالطريقة اللي تناسبك!
هل البرنامج مناسب للموظفين أو أصحاب الأشغال؟
  • أكيد، ومناسب جدًا!
  • نضبط لك المواعيد حسب وقتك – حتى لو كان دوامك مزدحم أو متغير.
  • والمميز أكثر؟ عندنا جلسات مخصصة حسب احتياجك:

    • للمقبلين على مقابلات العمل (الإنترفيو)

    • لرجال الأعمال والموظفين

    • لمحبي السفر والسياحة

  • وغيرها كثير… كل جلسة مصممة تساعدك تتطور بلغتك في مجالك!
هل أقدر أتعلم أكثر من لغة؟
  • حالياً تركيزنا كامل على اللغة الإنجليزية بإحتراف، لكن ترقّب… قريب بنضيف لغات جديدة بإذن الله!
وش الهدف النهائي من فلونسي؟
  • نوصّلك لمرحلة تتكلم فيها إنجليزي بطلاقة وثقة سواء في شغلك، سفرك، أو حياتك اليومية!